ახალგაზრდა მკვლევართა პროგრამა

„ახალგაზრდა მკვლევართა პროგრამა“ CRRC-საქართველოს სასტიპენდიო პროგრამას წარმოადგენს, რომელიც 2009 წლიდან არსებობს. პროგრამა 5-9 თვე გრძელდება და შერჩეულ ახალგაზრდებს ფართო სამუშაო გამოცდილებასა და პრაქტიკას სთავაზობს. ეს გახლავთ უნიკალური შესაძლებლობა სოციალურ მეცნიერებებზე ორიენტირებული ახალგაზრდა მკვლევართათვის, შეიძინონ ახალი უნარები და შეძლონ კომპლექსური საკითხების სწრაფი და სიღრმისეული ანალიზი, აგრეთვე შეისწავლონ მნიშვნელოვანი კომპიუტერული პროგრამები, მათ შორის სტატისტიკური პროგრამები. ასევე, „ახალგაზრდა მკვლევართა პროგრამა“ საშუალებას აძლევს ახალგაზრდებს, იმუშაონ გამოცდილ პროფესიონალებთან და დარგის სპეციალისტებთან ერთად. ახალგაზრდა მკვლევრებს მოეთხოვებათ ისეთ კომპლექსურ კვლევით პროექტებში ჩართვა, რომლებიც საქართველოს მომავლისთვის მნიშვნელოვან საკითხებს ეხება. ასევე, მათ მოეთხოვებათ ანალიტიკური პოლიტიკის ნარკვევების წერაში მონაწილეობის მიღება, გუნდის აქტიური წევრობა და შრომისმოყვარეობა.

საკონტაქტო ინფორმაცია: თამარ ხოშტარია, ელფოსტა: tamuna@crrccenters.org

ფილტრაცია

თამარ ჩხაიძე

თამუნა ჩხაიძე ფლობს ბაკალავრის ხარისხს სოციალურ მეცნიერებებში ივანე ჯავახიშვილის სახელობის თბილისის სახელმწიფო უნივერსიტეტში ძირითადი სპეციალობით ფსიქოლოგიაში. ამჟამად სწავლობს ამავე ფაკულტეტის ინტერდისციპლინურ სამაგისტრო პროგრამაზე – ფსიქოლოგიური ანთროპოლოგია. CRRC-საქართველოს „ახალგაზრდა მკვლევართა პროგრამაში“ ჩართვამდე, თამუნა მონაწილეობდა შვეიცარიის აკადემიური ქსელის მიერ დაფინანსებულ კვლევით პროექტში, რომლის მიზანი იყო ქართველი ახალგაზრდების ეროვნული და რელიგიური შეხედულებების შესწავლა და ასრულებდა ფოკუს-ჯგუფების მოდერატორის მოვალეობას USAID-ის (აშშ-ის საერთაშორისო განვითარების სააგენტო) დაფინანსებით განხორციელებულ სამოქალაქო განათლებისა და პედაგოგთა გადამზადების პროგრამის შუალედურ შეფასებით კვლევაში. ასევე, მონაწილეობა მიიღო აუტისტური სპექტრის დარღვევების სადიაგნოსტიკო ინსტრუმენტის ქართულ პოპულაციაზე ადაპტაცია-ნორმირების მიზნით თბილისის მასშტაბით ჩატარებულ კვლევაში და იყო პრაქტიკანტი მაკლეინის ასოციაციაში (McLain Association for Children (MAC). ის ასევე მონაწილეობდა „Youth in Action Program“-ში, რომელიც ჩატარდა მასარიკის უნივერსიტეტში, ბრნოში, ჩეხეთში. მისი ძირითადი კვლევითი ინტერესია ადამიანის არსებობის ისტორიის მანძილზე სხვადასხვა კულტურათა მრავალფეროვნებისა და კომპლექსურობის შესწავლა.

მაკა ჩხაიძე

მაკა ჩხაიძეს მიღებული აქვს მაგისტრის ხარისხი თბილისის სახელმწიფო უნივერსიტეტში კულტურული, პოლიტიკური და სოციალური ფსიქოლოგიის მიმართულებით. ამჟამად ის არის ილიას სახელმწიფო უნივერსიტეტის სადოქტორო პროგრამის სტუდენტი კულტურის კვლევების მიმართულებით. „ახალგაზრდა მკვლევართა პროგრამაში“ მონაწილეობამდე, მას უმუშავია არაერთ კვლევით პროექტზე. მის კვლევის ინტერესებში შედის უმცირესობათა საკითხები, ქალთა უფლებები და სუბკულტურები.

ზაქარია თავბერიძე

ზაქარია საქართველოს საზოგადოებრივ საქმეთა ინსტიტუტის ჟურნალისტიკის ფაკულტეტის მაგისტრატურის სტუდენტია. CRRC-საქართველოში მუშაობის დაწყებამდე, ზაქარია ჩართული იყო „საერთაშორისო გამჭვირვალობა – საქართველოსა“ და „ინტერნიუსი – საქართველოს“ მედიამონიტორინგის პროექტებში. ის ასევე მუშაობდა მონიტორინგის სპეციალისტად მასწავლებელთა პროფესიული განვითარების ეროვნულ ცენტრში. მისი კვლევითი ინტერესები მედიას, სოციალურ კაპიტალსა და სეგრეგაციას უკავშირდება. გარდა ამისა, ზაქარია დაინტერესებულია ფილოსოფიით, თანამედროვე სოციალური თეორიებითა და ვიზუალური სოციოლოგიით.

რატი შუბლაძე

რატი შუბლაძე ფლობს ბაკალავრის დიპლომს სოციალურ მეცნიერებებში სოციოლოგის სპეციალობით ივანე ჯავახიშვილის სახელობის თბილისის სახელმწიფო უნივერსიტეტში. ამჟამად სწავლობს სოციალურ მეცნიერებათა ცენტრის სამაგისტრო პროგრამაზე. CRRC-საქართველოს „ახალგაზრდა მკვლევართა პროგრამაში“ ჩართვამდე, ის მონაწილეობდა გაეროს განვითარების პროგრამის მიერ დაფინანსებულ 2012 წლის წინასაარჩევნო მედიამონიტორიგნის პროგრამაში. მისი ინტერესის სფეროებია კავკასიური კვლევები, მედია და არჩევნები.

დავით ქობალია

დავითი ფლობს ბაკალავრის ხარისხს სამართალმცოდნეობაში და აგრძელებს სწავლას ევროპისმცოდნეობის მაგისტრის სპეციალობაზე ივ. ჯავახიშვილის სახელობის თბილისის სახელმწიფო უნივერსიტეტში. კავკასიის კვლევითი რესურსების ცენტრში მოსვლამდე, დავითი მონაწილეობას იღებდა სხვადასხვა საერთაშორისო პროექტში ადამიანური რესურსების მართვისა და სხვა მიმართულებით. მისი კვლევითი ინტერესის სფერო მოიცავს პოლიტიკური, ეკონომიკური და სოციალური გარდაქმნის დინამიკასთან დაკავშირებულ საკითხებს.

მადონა შილდელაშვილი

მადონა შილდელაშვილს აქვს ამერიკული ჰუმანიტარული უნივერსიტეტის ხარისხი სოციალურ მეცნიერებებში. მისი სპეციალობაა საერთაშორისო ურთიერთობები. ვიდრე კავკასიის კვლევითი რესურსების ცენტრის (CRRC) „ახალგაზრდა მკვლევართა პროგრამის“ მონაწილე გახდებოდა, პროგრამა “Joint Civic Education”-ის ფარგლებში, იგი ხელმძღვანელობდა მოხალისეობრივ პროექტს. მადონამ ასევე გაიარა სტაჟირება ამერიკის საელჩოსა და საქართველოს მშვიდობის კორპუსში. მის კვლევით ინტერესებში შედის არასრულწლოვანთა დანაშაული და უმუშევრობა.

ნატა კერესელიძე

ნატას მიღებული აქვს ბაკალავრის ხარისხი საერთაშორისო ურთიერთობებში მალმოს უნივერსიტეტში და მაგისტრის ხარისხი გლობალურ პოლიტიკურ ეკონომიკაში ლონდონში. CRRC-საქართველოში მუშაობის დაწყებამდე, ნატა მუშაობდა ათენში მდებარე შავი ზღვის განვითრების ცენტრში (ICBSS). დისერტაციის წერასთან ერთად, მან ICBSS-თან დაიწყო თანამშრომლობა ევროკომისიის მიერ დაფინანსებულ FP7-ის პროექტზე. დისერტაციის დასრულების შემდეგ, ის ICBSS-ის სათავო ოფისში კვლევის ასისტენტის პოზიციაზე გადავიდა. 2010-2011 წლებში ნატა Messenger-ისათვის უცხო ამბების კორესპონდენტად მუშაობდა. მან ასევე გაიარა სტაჟირება ევროპის საბჭოსა და საქართველოს მუდმივ წარმომადგენლობაში, სტრასბურგში, 2009-2010 წლებში. ნატალის ასევე მიღებული აქვს გამოცდილება პროექტის კოორდინირებაში მალმოს უნივერსიტეტის სტუდენტური წარმომადგენლობის საგარეო საქმეთა ასოციაციაში. ლონდონში ყოფნის დროს, იგი პოპულარული სტუდენტური გაზეთის, Choix Magazine-ის, რედაქტორად მუშობდა.

თამარ ბურდული

თამარ ბურდული ფლობს ქართულ-ამერიკული უნივერსიტეტის ბიზნესის ადმინისტრირების ბაკალავრის ხარისხს მენეჯმენტის მიმართულებით. ამჟამად ის სწავლობს თბილისის სახელმწიფო უნივერსიტეტში კონფლიქტების მართვისა და ანალიზის სამაგისტრო პროგრამაზე. თამარი, გაცვლითი პროგრამის ფარგლებში, ერთი სემესტრი სწავლობდა მოლაპარაკებებს, მარკეტინგსა და ფრანგულს საფრანგეთის ქალაქ დიუნკერკის საერთაშორისო ბიზნესის უნივერსიტეტში (ISCID). კავკასიის კვლევითი რესურსების ცენტრში ახალგაზრდა მკვლევრად მოსვლამდე, იგი ჩართული იყო სხვადასხვა პროექტში არასამთავრობო და ბიზნეს სექტორებში ისეთ საკითხებთან დაკავშირებით, როგორებიცაა პრობლემური სესხების მართვა, შესყიდვები და არაფორმალური განათლება. თამარს ჩატარებული აქვს რამდენიმე კვლევა მაგისტრატურის კურსის ფარგლებში. მისი კვლევითი ინტერესები მოიცავს საზოგადოების განვითარების სოციალურ-პოლიტიკურ, ეკონომიკურ და კულტურულ ფაქტორებს.

1 2 3 456 7