პუბლიკაციები

ბლოგი იკვლევს ქართველების ცოდნის დონეს ევროკავშირის შესახებ, განსაკუთრებით ევროკავშირის დემოგრაფიის, პოლიტიკისა და საქართველოსთან ეკონომიკური ურთიერთობების მიმართულებით. მისი მიზანია, შეაფასოს საზოგადოებრივი ცნობიერება და ამ საკითხების გაგება იმ ფონზე, როდესაც სოციალურ მედიაში ევროკავშირის შესახებ ინფორმაცია და დეზინფორმაცია ფართოდ ვრცელდება.

კვლევა შეისწავლის საქართველოში არსებულ აშკარა პარადოქსს: რატომ უჭერს მხარს მოსახლეობის დიდი ნაწილი ერთდროულად ევროინტეგრაციასაც და მმართველ პარტიასაც („ქართულ ოცნებას“), მიუხედავად ამ უკანასკნელის ანტიდასავლური რიტორიკისა და ქმედებებისა. ნაშრომის მიზანია გააანალიზოს, თუ როგორ უწყობს ხელს Facebook-ზე გავრცელებული ანტიდასავლური და პროსამთავრობო ნარატივები ამ კოგნიტური დისონანსის შენარჩუნებას პოლიტიკური დისკურსის გადატანით საგარეო კურსიდან შიდასახელმწიფოებრივ და მორალურ საკითხებზე.

ანგარიში მიმოიხილავს, თუ როგორ მოქმედებს საგარეო პოლიტიკის შესახებ არსებული ნარატივები საზოგადოებრივ აზრზე საქართველოში. კვლევის მიზანია დაადგინოს, თუ რა ფაქტორები განაპირობებს საგარეო პოლიტიკური ისტორიების ეფექტიანობას და შეუძლია თუ არა ამ ისტორიების მიწოდების ფორმას (ე.წ. ფრეიმინგს) შეცვალოს საზოგადოებრივი განწყობები სხვადასხვა საერთაშორისო პარტნიორის მიმართ.

კვლევა აანალიზებს ქართველ ამომრჩევლებს შორის პოლიტიკური პოლარიზაციის დონეს, კონკრეტულად კი – აფექტურ პოლარიზაციას მმართველი გუნდსა და ოპოზიციის მხარდამჭერებს შორის. ნაშრომის მიზანია იმის დადგენა, თუ რამდენად არის დაყოფილი საზოგადოება პარტიების საქმიანობის შეფასების, მოწინააღმდეგე ბანაკის მიმართ ემოციური განწყობისა და სხვადასხვა პოლიტიკური შეხედულების ადამიანებთან სოციალური ურთიერთობების კუთხით.

ანგარიში შეისწავლის იმ ფაქტორებს, რომლებიც განსაზღვრავენ საქართველოს მოქალაქეების მდგრადობასა ან მოწყვლადობას დეზინფორმაციის მიმართ. კვლევის ფოკუსშია მედიაწიგნიერება, პოლიტიკური პოლარიზაცია, პარტიული იდენტიფიკაცია და კონსპირაციული აზროვნება. ნაშრომის მიზანია დაადგინოს, თუ როგორ მოქმედებს ფსიქოლოგიური, პოლიტიკური და სოციალურ-დემოგრაფიული მახასიათებლები მანიპულაციური ნარატივების აღქმასა და მათ მიმართ მდგრადობაზე ქართულ საინფორმაციო სივრცეში.

კვლევა აანალიზებს, თუ რა გავლენას ახდენს საზოგადოებრივ განწყობებზე ევროინტეგრაციის პროცესის ირგვლივ გავრცელებული „შიშის მესიჯები“ საქართველოში. ნაშრომში ყურადღება გამახვილებულია ისეთ ნარატივებზე, როგორებიცაა საფრთხე ოჯახური ღირებულებებისთვის და ახალგაზრდების მასობრივი მიგრაცია. კვლევის მიზანია იმის დადგენა, თუ რამდენად ცვლის მსგავსი ნეგატიური გზავნილები (მაკორექტირებელი ინფორმაციის თანხლებით ან მის გარეშე) მოსახლეობის დამოკიდებულებას ამ რისკების მიმართ და აისახება თუ არა ეს ევროკავშირში გაწევრიანების მხარდაჭერაზე.

ანგარიში შეისწავლის, თუ როგორ მოიხმარენ საქართველოს მოქალაქეები მედიას, როგორ აღიქვამენ დეზინფორმაციას და იყენებენ თუ არა ფაქტების გადამოწმების მეთოდებს პოლარიზებულ საინფორმაციო გარემოში. კვლევის მიზანია მედიის სანდოობის მიმართ საზოგადოებრივი განწყობების ანალიზი, მედიაწიგნიერების კუთხით არსებული სუსტი წერტილების გამოკვეთა და არგუმენტირებული მიგნებების მომზადება, რაც დემოკრატიულ აქტორებს პროპაგანდასა და საინფორმაციო მანიპულაციებთან გამკლავებაში დაეხმარება.

კვლევა აანალიზებს Facebook-ზე გავრცელებულ ანტიდასავლურ რიტორიკას და სწავლობს, თუ როგორ ავრცელებენ შერჩეული გვერდები და ჯგუფები მანიპულაციურ ან მცდარ კონტენტს. ნაშრომის მიზანია, გამოკვეთოს გამოყენებული ნარატივების ტიპები, შეაფასოს ყალბი ინფორმაციის გავრცელების მასშტაბები და დაადგინოს, თუ რა როლს თამაშობს ვიზუალური მასალა – განსაკუთრებით ფოტოები და ვიდეოები – ანტიდასავლური გზავნილების ფორმირებაში.

კვლევა აანალიზებს Facebook-ზე გავრცელებულ ანტიდასავლურ პროპაგანდას, რომელიც მიზნად ისახავს ხელისუფლების პოზიტიურ წარმოჩენას და ოპოზიციისა თუ დასავლური ინსტიტუტების დისკრედიტაციას. ნაშრომი აჩვენებს, რომ პროპაგანდა ეყრდნობა არა აშკარა სიცრუეს, არამედ დახვეწილ მანიპულაციებს – კონტექსტის დამახინჯებას, ემოციურ იარლიყებსა და ხელოვნური ინტელექტით შექმნილ დამცინავ კონტენტს, რაც განსაკუთრებით პოლიტიკური კრიზისების დროს აქტიურდება.

ანგარიში მიმოიხილავს საქართველოში Facebook-ის მეშვეობით ანტიდასავლური ნარატივებისა და პოლიტიკური გზავნილების გავრცელების დინამიკას პროექტის – „პოლარიზაცია და დეზინფორმაცია საქართველოში“ ფარგლებში. კვლევის მიზანია, გამოკვეთოს ძირითადი ნარატივები, მთავარი აქტორები და ის საკომუნიკაციო სტრატეგიები, რომლებიც ქართულენოვან, სომხურენოვან და აზერბაიჯანულენოვან აუდიტორიაზე გავლენის მოსახდენად გამოიყენება.