სიახლეები

CRRC-საქართველომ შვედეთის საერთაშორისო განვითარების სააგენტოს (Sida) მხარდაჭერით განახორციელა პროექტი „ანტიდემოკრატიული პროპაგანდის წინააღმდეგ ბრძოლა ჩართულობისთვის.“ პროექტის ფარგლებში 10–12 სექტემბერს CRRC-საქართველოს ორგანიზებით გაიმართა ტრენინგი სოციალური კვლევის მეთოდების შესახებ, რომელშიც 39-მა ახალგაზრდამ მიიღო მონაწილეობა. მათ შორის კონკურსის საფუძველზე შეირჩა 5 მონაწილე, რომლებმაც CRRC-საქართველოს მენტორობის ფარგლებში, მათთვის საინტერესო საკითხებზე, კავკასიის ბარომეტრის მონაცემების გამოყენებით ბლოგები მოამზადეს.

„დღეს რას მომიფიქრებენ?“ – ამ კითხვით იწყება არაერთი ქართველი ქალი აქტივისტის დილა. ეს აღარ არის მხოლოდ შიში კონკრეტული თავდასხმის ან შეურაცხყოფის გამო; ეს არის მუდმივი მოლოდინი იმისა, რომ ზეწოლის ახალი ფორმა ნებისმიერ დროს შეიძლება გამოჩნდეს. ბოლო წლებში საქართველოში შექმნილმა პოლიტიკურმა გარემომ ქალი უფლებადამცველები და აქტივისტები განსაკუთრებული საფრთხის წინაშე დააყენა.

ბლოგი ეფუძნება 2025 წლის კვლევას „უფლებადამცველი და აქტივისტი ქალების გამოწვევები საქართველოში“ და მიმოიხილავს ქალ უფლებადამცველებზე ზეწოლის სხვადასხვა ფორმებს 2023 წლის თებერვლიდან („უცხოელი აგენტების რეგისტრაციის შესახებ“ კანონპროექტის ინიცირებიდან) 2025 წლის სექტემბრამდე. კვლევა აჩვენებს, რომ ორგანიზაციების დასუსტების და სამოქალაქო სივრციდან განდევნის გარდა, ქვეყანაში შექმნილი პოლიტიკური ვითარების გამო, ქალ უფლებადამცველებს უწევთ ინდივიდუალურ ზეწოლასთან გამკლავებაც.

დემოკრატიულ სახელმწიფოებში მომხმარებელთა უფლებების დაცვა ერთ-ერთ ძირითად სოციალურ და სამართლებრივ პრიორიტეტს წარმოადგენს. ევროკავშირის შესაბამისი დირექტივები, ხაზს უსვამენ მომხმარებლის ინფორმირების, განათლებისა და დაცვის ინსტიტუციური გარანტიების მნიშვნელობას. მომხმარებლის ინტერესების დაცვა, ბაზარზე სამართლიანი კონკურენციის უზრუნველყოფა და მოქალაქეთა სამართლებრივი ცნობიერების ამაღლება ის კომპონენტებია, რომლებიც უზრუნველყოფენ უსაფრთხო და ხარისხიანი პროდუქტის მოხმარებას. საქართველოში, ქალ მომხმარებელთა ცნობიერების საკვლევად გამოკითხვა ჩატარდა იმერეთში 220 მომხმარებელ ქალთან. ამ ბლოგში წარმოდგენილია ამ გამოკითხვის ძირითადი მიგნებები.