CRRC პოდკასტი

ამ ეპიზოდში ჩვენ განვიხილავთ კვლევის – „საგარეო საფრთხეების აღქმა საქართველოში“ (2023) – შედეგებს, რათა გავარკვიოთ, როგორ აფასებს საზოგადოება ქვეყნის წინაშე არსებულ საგარეო საფრთხეებს. დისკუსია ეხება ქართველთა მკვეთრად პროდასავლურ ორიენტაციას, რუსეთის, როგორც მთავარი საფრთხის აღქმასა და ასევე პოლიტიკურ, თაობათა და გეოგრაფიულ ჯგუფებს შორის არსებულ განსხვავებებს. ეპიზოდში ასევე ვმსჯელობთ, რა კომპრომისების – თუ ასეთი არსებობს – შესაძლოა სჯეროდეს ქართველებს რუსეთთან კონფლიქტის თავიდან ასაცილებლად და როგორ აყალიბებს უკრაინაში ომის შესახებ ინფორმაცია საზოგადოებრივ აზრს. ეპიზოდი გთავაზობთ მონაცემებზე დაფუძნებულ ხედვას იმ ძალებზე, რომლებიც საქართველოს ეროვნულ უსაფრთხოების კონტურს ქმნიან.

ამ ეპიზოდში, CRRC-საქართველოს გამოკითხვის მონაცემების საფუძველზე, განვიხილავთ პოლიტიკურ პოლარიზაციას საქართველოში და განვასხვავებთ მის ორ მთავარ ფორმას: აფექტურ პოლარიზაციას (ემოციური დისტანცია პოლიტიკურ ოპონენტებს შორის) და იდეოლოგიურ პოლარიზაციას (უთანხმოებები პოლიტიკასა და ინსტიტუტებზე). მიუხედავად იმისა, რომ საქართველოში აფექტური პოლარიზაცია შედარებით დაბალია – ხალხი ინარჩუნებს მეგობრულ ურთიერთობებს სხვადასხვა პარტიის მხარდამჭერებთან – ქვეყანა მაინც განიცდის მნიშვნელოვან იდეოლოგიურ პოლარიზაციას.

გაიგეთ, რა დამოკიდებულებები აქვთ ქართველებს კლიმატის ცვლილების მიმართ CRRC-საქართველოს 2024 წლის კვლევის – „დამოკიდებულებები კლიმატის ცვლილების მიმართ საქართველოში“ – მიხედვით. მიუხედავად იმისა, რომ კლიმატის ცვლილება ეროვნული პრიორიტეტების სიაში პირველ ადგილზე არ დგას, ქართველების 90% მას მნიშვნელოვან პრობლემად მიიჩნევს, ხოლო 80% შეშფოთებულია ამ საკითხით. მონაცემების მიხედვით, საზოგადოება პირად გამოცდილებას ეყრდნობა – მოსახლეობის 75%-ს საკუთარ ადგილობრივ გარემოში შეუნიშნავს ამინდის ცვლილებები – და მხარს ამიტომაც უჭერს კლიმატურ ქმედებებს. საერთაშორისო დონეზე, საქართველო 111 ქვეყნიდან 26-ე ადგილზეა კლიმატის ცვლილების მიმართ მღელვარების მიხედვით, აქედან 56% „განგაშის“ ჯგუფში ხვდება. მიუხედავად მაღალი მღელვარების მაჩვენებლისა, კვლავ არსებობს ცოდნის დეფიციტი როგორც კლიმატის, ისე ეფექტური ინდივიდუალური ნაბიჯების შესახებ საზოგადოებაში.

CRRC-საქართველოს პოდკასტის ეს ეპიზოდი კითხვის ქვეშ აყენებს გავრცელებულ მოსაზრებას ქართული საზოგადოების კონსერვატიულობის შესახებ. 2023 წლის გამოკითხვის მიხედვით, მოსახლეობა იდეოლოგიურად გაყოფილია. ასაკოვანი, სოფელში მცხოვრები, ნაკლებად განათლებული, „ქართული ოცნების“ მხარდამჭერი კაცები, როგორც წესი, უფრო კონსერვატორები არიან და მათი პოლიტიკური აქტიურობა ძირითადად ონლაინ ვლინდება.

2022 და 2023 წლებში, საქართველოს მმართველი პარტია „ქართული ოცნება“ Facebook-ზე დასავლეთის წინააღმდეგ რიტორიკას აძლიერებდა. CRRC-საქართველოსა და სოციალური სამართლიანობის ცენტრის კვლევებზე დაყრდნობით, ეს ეპიზოდი იკვლევს, როგორ წარმოიშვა, განვითარდა და გავრცელდა ეს ნარატივი ისე, რომ ნდობასთან დაკავშირებული შეთქმულებებიდან დასავლეთის ოფიციალური პირებისა და ინსტიტუტების ღია შეტევებამდე გარდაიქმნა. ეპიზოდში მსმენელები გაიგებენ, თუ როგორ გახდა კონცეფციები, როგორებიცაა „აგენტოკრატია“, „გლობალური ომის პარტია“ და „ღირსეულად ევროპისკენ“, „ქართული ოცნების“ რეჟიმის მთავარ გზავნილებში ისე, რომ დასავლეთს მორალურად კორუმპირებულად და ქვეყნის ომში ჩათრევის მოსურნედ წარმოაჩენს. ჩვენ ვაკვირდებით მთავარ ეტაპებს, აქტორებსა და ონლაინ ეკოსისტემებს, რომლებმაც წაახალისეს ანტი-დასავლური დისკურსი საქართველოში.

მიუხედავად იმისა, რომ საქართველოში სამუშაო ადგილზე სექსუალური შევიწროების მაჩვენებელი მაღალია – იგი კერძო სექტორის თანამშრომლების თითქმის მეოთხედსა და საჯარო სამსახურის წარმომადგენლების მესამედს გამოუცდია – დახმარების ფორმალური გზებისთვის მიმართვის მაჩვენებელი დაბალია. CRRC-საქართველოს პოდკასტის ამ ეპიზოდში ვცდილობთ, გავარკვიოთ, თუ რა არის ამის მიზეზი.

CRRC Podcast-ის ახალი ეპიზოდი უკვე ხელმისაწვდომია – არიან თუ არა ახალგაზრდები საქართველოში უფრო პოლიტიკურად აქტიურები უფროს თაობებთან შედარებით? თბილისში, რუსთაველის გამზირზე, მიმდინარე საპროტესტო აქციებში ახალგზარდები გამოდიან საჯაროდ, აფრიალებენ ევროკავშირის დროშებს, წინააღმდეგობას უწევენ პოლიციის ძალადობას და ითხოვენ დემოკრატიულ რეფორმებს. მაგრამ, არის თუ არა ქუჩებში მათი ასეთი აქტიურობა ღრმა პოლიტიკური ჩართულობის რეალური გამოძახილი?

CRRC-საქართველოს პოდკასტის პირველი ქართულენოვანი ეპიზოდი – მტერი თუ მოყვარე? დამოკიდებულებები რუსი მიგრანტების მიმართ საქართველოში!