კონფერენციები

2018 წლის 14 მაისს, NDI და CRRC-საქართველო ორგანიზებას უწევენ მეორე საერთაშორისო კონფერენციას არჩევნებისა და პოლიტიკის შესახებ – „დეზინფორმაციის წინააღმდეგ ბრძოლაში კვლევის ძალა და მისი გავლენა“. აღნიშნული კონფერენცია თავს უყრის პოლიტიკის ანალიტიკოსებსა და პრაქტიკოსებს საქართველოდან და საზღვარგარეთიდან, რათა მათ შეძლონ თავიანთი გამოცდილებებისა და მეთოდების გაზიარება, ერთი მხრივ, და საუკეთესო პრაქტიკისა და მიღებული გაკვეთილების განხილვა, მეორე მხრივ.

საბჭოთა კავშირის ნგრევის შემდეგ, სამხრეთ კავკასიაში გავხდით მნიშვნელოვანი სოციალურ-ეკონომიკური და პოლიტიკური გარდაქმნების მომსწრენი. იქიდან გამომდინარე, რომ ძალიან საინტერესოა ამ გარდაქმნების ადგილობრივ და საერთაშორისო ჭრილში განხილვა, 2015 წლის 26 ივნისს, CRRC-საქართველომ ორგანიზება გაუკეთა კონფერენციას, სადაც დარგის ექსპერტებმა და დაინტერესებულ მხარეებმა განიხილეს საბჭოთა კავშირის რღვევის შემდეგ სამხრეთ კავკასიაში განვითარებული პროცესები და იმსჯელეს ახალი მიდგომებზე ამ ტენდენციების უკეთ გასაანალიზებლად.

2014 წლის 25 მაისს, CRRC-საქართველოს მიერ ორგანიზებულ კონფერენციაზე ადგილობრივ და საერთაშორისო მკლვევრებს საშუალება მიეცათ, შეედარებინათ თავიანთი კვლევის მეთოდები და განეხილათ შესაბამისი მიგნებები. სადისკუსიო თემები შეეხო არაერთ დარგს, მათ შორის, ეკონომიკა, დემოგრაფია, სოციოლოგია, პოლიტიკური მეცნიერებები, ფსიქოლოგია და სხვა.

კონფერენციის განმავლობაში, ადგილობრივ და საერთაშორისო მკვლევრებსა და დამსწრე საზოგადოებას საშუალება ჰქონდათ, ემსჯელათ კვლევის მეთოდებთან დაკავშირებულ ძირითად გამოწვევებზე. ასევე, მათ განიხილეს სამხრეთ კავკასიის რეგიონში კვლევის განვითარებასთან დაკავშირებული ახალი შესახლებლობები.