დღეს CRRC-საქართველო და საერთაშორისო საქმეთა ეროვნულ-დემოკრატიული ინსტიტუტი (NDI) მოსახლეობის გამოკითხვის შედეგებზე პრეზენტაციას გამართავს სასტუმრო Rooms Hotel-ში. მოსახლეობის გამოკითხვა 8 აგვისტოდან 10 სექტემბრის ჩათვლით მიმდინარეობდა და შედეგად 4 448 ადამიანი გამოიკითხა. გამკითხვის მიზანი ადგილობრივი საკითხების და თვითმმართველი ინსტიტუტების საქმიანობის შეფასება იყო.NDI-ის გამოკითხვას აფინანსებს შვედეთის საერთაშორისო განვითარების თანამშრომლობის სააგენტო (SIDA) და ახორციელებს CRRC-საქართველო.