CRRC Podcast-ის ახალი ეპიზოდი უკვე ხელმისაწვდომია – “როგორ იღებენ ქართველები ახალ ამბებს?”
ამ ეპიზოდში ჩვენ განვიხილავთ IREX საქართველოსა და CRRC-საქართველოს მკვლევარების, ზაქარი ფაბოსისა და მახარე აჭაიძის ანგარიშს – „მედიის მოხმარების კვლევა საქართველოში 2024“ – რომელიც ისტორიულ ცვლილებას ავლენს: ახლა უფრო მეტი ადამიანი ახალ ამბებს სოციალური მედიისა და მიმოწერის აპლიკაციებიდან იღებს, ვიდრე ტელევიზიიდან. ჩვენ განვიხილავთ თაობათაშორის განსხვავებებს, პლატფორმის პრეფერენციებს, რეგიონულ და ენობრივ განსხვავებებს და იმას, თუ როგორ აყალიბებს მედიისადმი ნდობა, ან მისი ნაკლებობა, საინფორმაციო ჩართულობას. Facebook-ის დომინირებიდან TikTok-ის აღზევებამდე, აპლიკაციების პასიური მოხმარებიდან პოდკასტებამდე, ჩვენ ვაკვირდებით, თუ როგორ მოიხმარენ, აზიარებენ და აღიქვამენ დღეს ქართველები ახალ ამბებს და რას ნიშნავს ეს ქვეყნის მედია ლანდშაფტისთვის.
ეპიზოდს შეგიძლიათ მოუსმინოთ (ინგლისურ ენაზე) Spotify-სა და YouTube-ზე.
ამ საკითხის შესახებ ასევე შეგიძლიათ, გაეცნოთ ჩვენს ანგარიშს ქართულ და ინგლისურ ენებზე.
