სიახლეები

CRRC-ის მეორე ყოველწლიური მეთოდოლოგიური კონფერენცია გაიმართა 25 ივნისს თბილისის სახელმწიფო უნივერსიტეტში. ორმოცდაათზე მეტი დამსწრე და პრეზენტაციების დატვირთული პროგრამით კონფერენციამ შეკრიბა პოლიტიკის პრაქტიკოსები და მკვლევრები სამხრეთ კავკასიიდან და მის ფარგლებს გარეთ.

დასტინ გილბრეთმა, CRRC-საქართველოს კვლევითმა კონსულტანტმა, წარმოადგინა საარჩევნო ჩანაწერები გუშინდელ მუნიციპალურ არჩევნებზე, რომელიც გამოქვეყნდა ვებჟურნალ „ლიბერალში“. ჩანაწერებში საუბარია არჩევნების შედეგებზე, ისტორიასა და მნიშვნელობაზე, საარჩევნო კანონმდებლობაში ცვლილებებზე და წინასაარჩევნო გარემოზე. ასევე, მასში განხილულია კანდიდატები, კამპანიები და მიმოხილვები კოალიცია „ქართული ოცნებისა“ და ერთიანი ნაციონალური მოძრაობისთვის. საარჩევნო შენიშვნების წასაკითხად, გთხოვთ, გადადით აქ.

CRRC საქართველო ეხმიანება 23 მაისს „ტვ3“-ის მიერ გავრცელებულ საგანგებო განცხადებას, რომელშიც არხი არ ეთანხმება CRRC საქართველოს მიერ სატელევიზიო მონიტორინგის პირველ ანგარიშში გამოთქმულ მოსაზრებებს. CRRC საქართველო დადებითად აფასებს ტელევიზიების დაინტერესებას მონიტორინგის შედეგებით და გამოთქვამს მზადყოფნას, შემდგომშიც უპასუხოს მათ კითხვებს. მონიტორინგის პროექტის ფარგლებში CRRC საქართველო გამოაქვეყნებს კიდევ სამ ანგარიშს და პროექტში ჩართულ სხვა არასამთავრობო ორგანიზაციებთან ერთად მოაწყობს პრესკონფერენციას მონიტორინგის შედეგების შესახებ.