კვლევების პრეზენტაციები

2016 წლის ოქტომბრის საპარლამენტო არჩევნების შედეგების მონიტორინგის მიზნით, CRRC-საქართველომ ჩაატარა არჩევნებთან დაკავშირებული სტატისტიკის რაოდენობრივი ანალიზი საარჩევნო ექსპერტიზის სფეროს მეთოდების გამოყენებით. 2016 წლის 13 ოქტომბერს მოეწყო მრგვალი მაგიდა „2016 წლის საპარლამენტო არჩევნების შედეგების წინასწარი ანალიზის “წარსადგენად. CRRC-საქართველოს პოლიტიკის ანალიტიკოსმა, დასტინ გილბრეთმა წარმოადგინა წინასწარი ანალიზის შედეგები, მათ შორის გამოწვევები და გამოწვევების საპასუხოდ შემუშავებული რეკომენდაციები.

30 სექტემბერს, CRRC-საქართველომ ფონდ „პარტნიორობა საგზაო უსაფრთხოებისთვის“ ერთად, ჩაატარა კვლევის „უსაფრთხო გადაადგილების შესაძლებლობები მგზავრებისთვის“ შუალედური შედეგების პრეზენტაცია. კვლევა ხორციელდება USAID-ის ფინანსური მხარდაჭერით, აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში.

19 აგვისტოს, 11:00 საათზე, სასტუმრო „რუმსში“ თბილისში, CRRC-საქართველომ გამართა პრეს-კონფერენცია ანგარიშის წარსადგენად – „ამომრჩეველთა ხმების დათვლა: წინასწარი ანალიზის ანგარიში საარჩევნო სტატისტიკის შესახებ„, რომელიც მომზადდა პროექტისათვის – “არჩევნების გაყალბების დადგენა მონაცემთა ანალიზის მეშვეობით (DEFDA)“.

CRRC-საქართველოს ანგარიში “მართლმსაჯულების სისტემა საქართველოში – იურიდიული პროფესიის წარმომადგენლების ხედვა” გამოქვეყნდა 2016 წლის 11 ივლისს. ანგარიში დეტალურად აღწერს USAID-ის მიერ დაფინანსებული პროექტის „კანონის უზენაესობის ხელშეწყობა საქართველოში“ (PROLoG) საბაზისო კვლევის შედეგებს, რომელსაც ახორციელებს აღმოსავლეთ-დასავლეთის მართვის ინსტიტუტი (EWMI). კვლევამ შეაფასა, თუ როგორ ხედავენ მართლმსაჯულების სისტემის შემდეგ ასპექტებს მოსამართლეები, პროკურორები და კერძო, არასამთავრობო ორგანიზაციებისა და იურიდიული დახმარების სამსახურის (LAS) ადვოკატები.

დღეს, 29 ივლისს, გაიმართა ეროვნულ-დემოკრატიული ინსტიტუტისთვის (NDI) CRRC-საქართველოს მიერ ჩატარებული კვლევის შედეგების მეორე – პოლიტიკურ ნაწილის პრეზენტაცია.

27 ივლისს, 2016 გაიმართა CRRC-საქართველოს მიერ ეროვნულ-დემოკრატიული ინსტიტუტისთვის (NDI) ჩატარებული კვლევის პირველი ნაწილის პრეზენტაცია.

21 ივლისს, გაიმართა CRRC-საქართველოს მიერ ჩატარებული კვლევის – „ბიზნესის დამოკიდებულება საგადასახადო სისტემისადმი საქართველოში“ პრეზენტაცია, რომელიც მომზადდა აშშ-ს საერთაშორისო განვითარების სააგენტოს პროექტის „მმართველობა განვითარებისათვის“ (USAID G4G) საგრანტო პროგრამის ფარგლებში.

11 ივლისს, კლუბ ფრონტლაინში გაიმართა CRRC-საქართველოს მიერ ჩატარებული კვლევის – „მართლმსაჯულების სისტემა საქართველოში – იურიდიული პროფესიის წარმომადგენლების ხედვა“ – პრეზენტაცია. ღონისძიება გახსნეს ნილს ვაინშტაინმა, პროგრამის ხელმძღვანელის მოადგილემ (PROLoG) და კობა თურმანიძემ, CRRC-საქართველოს პრეზიდენტმა, ხოლო დამსწრეებს კვლევის შედეგები გააცნო CRRC-საქართველოს მკვლევარმა მარიამ კობალაძემ.