მიმდინარე კვლევების პრეზენტაციები

"მიმდინარე კვლევების პრეზენტაცია" არის აკადემიური დისკუსიების სერია, რომელიც CRRC-საქართველოს ოფისში ტარდება (მის.: რ. ჩხიკვაძის 1). ღონისძიებების ორგანიზატორები არიან კავკასიის კვლევითი რესურსების ცენტრი, ამერიკული საბჭოები საერთაშორისო განათლებისათვის, და კვლევის ამერიკული ინსტიტუტი სამხრეთ კავკასიაში (ARISC). ყველა შეხვედრაზე დასწრება თავისუფალია. 

"მიმდინარე კვლევების პრეზენტაციის" მიზანია ხელი შეუწყოს დისკუსიებსა და მსჯელობებს მიმდინარე აკადემიური პროექტების შესახებ, რომლებიც კავკასიის რეგიონს ეხება. 

თუ გსურთ წარმოადგინოთ თქვენი ნაშრომი მიმდინარე კვლევების ერთ-ერთ შეხვედრაზე, გამოგვიგზავნეთ ი-მეილი მისამართზე: mariam.kobaladze@crrccenters.org

მიმდინარე სამუშაოები: The Transcaucasian Socialist Federative Soviet Republic as an Object of Neglect

ოთხშაბათი | 13 დეკემბერი , 2017
On Wednesday, December 13, 18:30 at the CRRC-Georgia Office, Dr. Stephan Rindlisbacher from the University of Bern will give a talk about his work in progress "The Transcaucasian Socialist Federative Soviet Republic as an Object of Neglect". Stephan Rindlisbacher is currently working in Moscow, Kiev and Tbilisi in order to explore the territorialisation processes in the early Soviet State. He holds a PhD in History and has published a book on the revolutionary movement in late Tsarist Russia.
ვრცლად

მიმდინარე სამუშაოები: დე ფაქტო სახელმწიფოები და მათი პატრონები: თეორიის ჩამოყალიბება

სამშაბათი | 21 ნოემბერი , 2017
ოთხშაბათს, 22 ნოემბერს, 18:30 საათზე CRRC-საქართველოს ოფისში, პოლიტიკური და კულტურული გეოგრაფიის დოქტორი ვინსენს კოპეჩეკი ჩეხეთის ოსტრავას უნივერსიტეტიდან წარადგენს თავის ნაშრომს თემაზე: "დე ფაქტო სახელმწიფოები და მათი პატრონები: თეორიის ჩამოყალიბება".

ტერმინებს, როგორებიცაა ოკუპაცია, მარიონეტი სახელმწიფო, პროტექცია და ა.შ. ხშირად იყენებენ დე ფაქტო სახელმწიფოებისა და მათი პატრონების ურთიერთობის აღწერისას. თუმცა, ეს ტერმინები უფრო პოლიტიკურია, ვიდრე აკადემიური და უმეტესად დავის მხოლოდ ერთი მხარის პოზიციას გამოხატავს. რეალურად, აკადემიური ლიტერატურა ნაწილობრივ უგულებელყოფს ურთიერთობას ცალკეულ დე ფაქტო სახელმწიფოებსა და მათ პატრონებს შორის. მიუხედავად ამისა, არის რამდენიმე ნაშრომი, რასაც შეიძლება, დაეყრდნო. მაგალითად, ბრუბაკერის მიერ ჩამოყალიბებული "დედობილი" სახელმწიფოს ცნება, რომელიც შემდგომში კასპერსენმა განავითარა ბალკანეთის რამდენიმე დე ფაქტო სახელმწიფოს მაგალითზე დაყრდნობით. "დედობილი" სახელმწიფოს ჩარევის ცნება სომხეთისა და მთიანი ყარაბაღის ურთიერთობის გაანალიზების საფუძველია. ამ ურთიერთობას სხვა მსგავსი შემთხვევებისგან განსხვავებით, როგორებიცაა, მაგალითად, თურქეთისა და ჩრდილო კვიპროსის ურთიერთობა, სპეციფიური მახასიათებლები აქვს. ესენია: საერთო ეთნო-კულტურული ჩარჩო, ერთმანეთში აღრეული პოლიტიკური ელიტები და რამდენიმე ფორმალური და ბევრად მეტი არაფორმალური მექანიზმი, რაც ორივე ერთეულს საშუალებას აძლევს, მიაღწიოს პოლიტიკურ გარიგებებს, ასევე მოახდინოს გავლენა ერთმანეთის შიდა გადაწყვეტილების მიღების პროცესზე.
ვრცლად

მიმდინარე სამუშაოები: რელიგიის მიღების იძულება მე-19 საუკუნის კავკასიაში

სამშაბათი | 07 ნოემბერი , 2017
კავკასიონის მთების მოსაზღვრე ქვეყნების ისტორიას სასტიკი ტერიტორიული და რელიგიური დაპირისპირებები ახსოვს. ამ რეგიონის ისტორიულ მოსახლეებს უწევდათ გამკლავება იმასთან, რაც კავკასიაში ძალაუფლების ცვლილებას სდევდა თან. იმპერიები მუდმივად ცდილობდნენ კონტროლის დამყარებას კავკასიაზე. ეს მოხსენება აანალიზებს რელიგიაზე მოქცევისა და რწმენის უარყოფის რეალურ შემთხვევებს კავკასიაში და ამას რუსეთის იმპერიის კანონების კონტექსტში განიხილავს. სერგეი სალუშევი სანტა ბარბარას კალიფორნიის უნივერსიტეტიდან ცდილობს, ნათელი მოჰფინოს მიმდინარე აკადემიურ დისკუსიას რელიგიური იდენტობისა და რელიგიური ტოლერანტობის პოლიტიკაზე რუსეთის იმპერიაში, უფრო კონკრეტულად კი კავკასიაში.
ვრცლად

მიმდინარე სამუშაოები: მეტრო და მისი ხატი: ხელოვნება და არქიტექტურა 60-იანი წლების თბილისში

ოთხშაბათი | 01 ნოემბერი , 2017
CRRC, ARISC და ამერიკის საბჭოები სიამაყით წარმოგიდგენთ მიმდინარე პროექტების სერიის 2017 წელის შემოდგომის მეორე სემინარს!

პოლ მანინგი, ტრენგის უნივერსიტეტიდან: "მეტრო და მისი ხატი: ხელოვნება და არქიტექტურა 60-იანი წლების თბილისში"

პროფესორმა პოლ მანინგმა 2001 წელს მიიღო დოქტორის ხარისხი ლინგვისტიკაში ჩიკაგოს უნივერსიტეტიდან. იგი ანთროპოლოგიას ასწავლიდა ჩრდილოეთ ილინოისის უნივერსიტეტში, რიდის კოლეჯში და ბარდის კოლეჯში. მისი კვლევითი საქმიანობა მოიცავს ლინგვისტურ და სემიოტურ ანთროპოლოგიას ევროპაში (უელსი) და ევრაზიაში (საქართველო). მისი კვლევის მონაწილეები იყვნენ უელსურ ენაზე მოსაუბრეები უელსში და არგენტინაში და ქართულ ენაზე მოსაუბრეები საქართველოსა და რუსეთში.
ვრცლად
123