მეურვეთა საბჭო

მეურვეთა საბჭო არის CRRC-საქართველოს მთავარი მარეგულირებელი ორგანო, რომელიც აკონტროლებს CRRC-ს მუშაობას ფინანსური და პროგრამულ მიმართულებებით. აგრეთვე, უზრუნველყოფს, რომ ორგანიზაცია თანხვედრაში იყოს CRRC-ს წესდებასა და საქართველოს კანონმდებლობასთან. ამჟამად, საბჭო შედგება 8 წევრისგან, რომლებიც ჩვეულებისამებრ 3 წლის ვადით ირჩევიან. მოქმედი წევრები საბჭოს ახალ წევრებს ხმათა უმრავლეობით ირჩევენ. CRRC-ს დადგენილების მიხედვით, კანდიდატი შეიძლება იყოს ნებისმიერი კომპეტენტური პირი, რომელიც არ არის სახელმწიფო სტრუქტურაში დასაქმებული. საბჭოს შეხვედრები იმართება წელიწადში მინიმუმ ორჯერ. 

წევრები

ენდრიუ კოქშალი

KPMG

ენდრიუ კოქშალი არის KPMG-ის წამყვანი პარტნიორი სამხრეთ კავკასიაში. ენდრიუს აქვს სხვადასხვა ქვეყნებში მუშაობის 20 წლიანი გამოცდილება. ეს ქვეყნები მოიცავს სომხეთს, საქართველოს, ყაზახეთს, უზბეკეთს, ყირგიზეთს, საუდის არაბეთს, იორდანიას, ლიბანს, ეგვიპტეს, უგანდას, სამხრეთ აფრიკასა და დიდ ბრიტანეთს. ენდრიუ სპეციალიზირდება ფინანსების და აუდიტის საკითხები ინფრასტრუქტურის, მთავრობის და ჯანდაცვის კუთხით.
 
მას აქვს დამატებითი გამოცდილება კომუნიკაციებში, ფინანსურ მომსახურებაში, სამრეწველო ბაზარში, სამომხმარებლო ბაზარში, მსოფლიო ბანკის პროექტებში და სამთო მრეწველობაში. ბატონი კოქშალი ფლობს მაგისტრის ხარისხს ბიზნესის ადმინისტრირებაში ჰერიოტ ვატის უნივერსიტეტიდან და არის სერტიფიცირებული ბუღალტერი.

ლევან გიგინეიშვილი

ილიას სახელმწიფო უნივერსიტეტი

ლევან გიგინეიშვილი არის ასოცირებული პროფესორი ილიას უნივერსიტეტის თანამედროვე კვლევების ინსტიტუტში, სადაც იგი კითხულობს ლექციებს ფილოსოფიასა და თეოლოგიის დარგში. იგი ფლობს დოქტორის ხარისხს შუა საუკუნეების კვლევებში ცენტრალური ევროპული უნივერსიტეტიდან (ბუდაპეშტი, უნგრეთი) და ასევე, სწავლობდა ივანე ჯავახიშვილის სახელობის სახელმწიფო უნივერსიტეტში (საქართველო), ლიუვენის უნივერსიტეტის ფილოსოფიის ინსტიტუტში (ბელგია) და ჰარვარდის უნივერსიტეტის განათლების სამაგისტრო სკოლაში (აშშ). მისი სადოქტორო დისერტაცია სახელით „იოანე პეტრიწის პლატონისეული თეოლოგია“ გამოაქვეყნდა Gorgias Press (USA)-ის მიერ წიგნის სახით 2007 წელს და იყო პირველი ნაშრომი, რომელმაც იოანე პეტრიწის ფილოსოფია ინგლისურენოვან აუდიტორიას გააცნო. გარდა ილიას უნივერსიტეტისა, ლევან გიგინეიშვილი ასწავლის ფილოსოფიის ისტორიას და ქართულ ლიტერატურას გივი ზალდასტანიშვილის სახელობის ამერიკულ აკადემიაში თბილისში.

ბადრი ჯაფარიძე

თიბისი ბანკი

ბატონი ბადრი ჯაფარიძე არი თიბისი ბანკის საქართველოში დამფუძნებელი, აქციონერი და სამეთვალყურეო საბჭოს ვიცე–თავმჯდომარე, ასევე თიბისი ჯგუფის ვიცე პრეზიდენტი. ბადრი ჯაფარიძე აგრეთვე არის ქართული მინისა და მინერალური წყლების თანადამფუძნებელი და ვიცე პრეზიდენტი.
 
ჯაფარიძე ფლობს ბაკალავრის ხარისხს თბილისის სახელმწიფო უნივერსიტეტის ფსიქოლოგიის ფაკულტეტიდან და ასევე სწავლობდა ასპირანტურაში მოსკოვის სახელმწიფო უნივერსიტეტში.

1997 წლამდე იყო ფსიქოლოგიის ლექტორი თბილისის სახელმწიფო უნივერსიტეტში და რედაქტირება გაუკეთა 10 სამეცნიერო პუბლიკაციას. გარდა აკადემიური კარიერისა, იგი ჩართული იყო პოლიტიკაშიც. 1990 წელს იგი აირჩიეს ონის რაიონის მაჟორიტარ დეპუტატად საქართველოს უმაღლეს საბჭოში და მან ხელი მოაწერა საქართველოს დამოუკიდებლობის დეკლარაციას. 2004 წლიდან ბადრი ჯაფარიძე არჩეულ იქნა საქართველოში ამერიკის სავაჭრო პალატის დირექტორთა საბჭოს წევრად.

ჰორტონ ბიბი-სენტერი

ევრაზიის ფონდი

როგორც ევრაზიის ფონდის პრეზიდენტი, ბ-ნი ბიბი-სენტერი პასუხისმგებელია მეურვეთა საბჭოს მიერ დამტკიცებული ფონდის სტრატეგიული მიზნების განსაზღვრასა და განხორციელებაზე.
 
ბატონი ბიბი-სენტერი ფონდს 1993 წელს შეუერთდა. მან დაარსა ფონდის პირველი ოფისები და ხელმძღვანელობდა მოსკოვის რეგიონალურ ოფისს ორი წლის განმავლობაში. 1995 წელს, ბატონი ბიბი-სენტერსი დაბრუნდა შეერთებულ შტატებში, რათა შეესრულებინა ვიცე პრეზიდენტის მოვალეობა ‘პროექტებსა და განვითარებაში’, სანამ მისი აღმასრულებელი ვიცე პრეზიდენტი გახდებოდა.

ფონდში მოსვლამდე ბიბი-სენტერსი მუშაობდა რამდენიმე პროექტზე, რომელიც ეხებოდა ამერიკის შეერთებულ შტატებსა და საბჭოთა კავშირს შორის ტექნოლოგიის გაცვლას და ერთობლივ კომერციულ წამოწყებებს. ბატონი ბიბი-სენტერსი ფლობს ბაკალავრის ხარისხს საბჭოთა კვლევებში ბრაუნის უნივერსიტეტიდან და მაგისტრის ხარისხს რუსეთის კვლევებში ჰარვარდის უნივერსიტეტიდან.

დევიდ ლი

არიკ დეველოპმენტი

დევიდ ლი არის პროექტის "არიკ დეველოპმენტი"-ს აღმასრულებელი დირექტორი. 2004-დან 2016 წლამდე, ის იყო მაგთიკომის, ტელეკომუნიკაციების უდიდესი ოპერატორის გენერალური დირექტორი. საქართველოში ჩამოსვლამდე, დევიდი ხელმძღვანელობდა სხვადასხვა საკომუნიკაციო კომპანიებს მოსკოვში, სინგაპურსა და სახალინში, ხოლო 1991-დან 1994 წლამდე იყო პროექტის ხელმძღვანელი საკომუნიკაციო კომპანიაში იემენში.  დევიდი ასევე იყო AmCham-ის დირექტორთა საბჭოს პრეზიდენტი და ევროკავშირის და საქართველოს ბიზნეს საბჭოს დირექტორის მოადგილე 2012-დან 2016 წლამდე. 2009 წლიდან კი, არის CRRC-ს საბჭოს თავმჯდომარე საქართველოსა და სომხეთში, ხოლო EPF-ის აზერბაიჯანში, საქართველოსა და სომხეთში.

დევიდი არის სერტიფიცირებული ბუღალტერი ბიზნესის ადმინისტრირების მაგისტრის ხარისხით ვარვიკის ბიზნეს სკოლიდან. ასევე, მსახურობდა, როგორც სამეფო ოფიცერი 9 წლის განმავლობაში.

დენიელ ტარშისი

სტოკჰოლმის უნივერსიტეტი

დოქტორი ტარშისი 1994-99 წლებში იყო ევროსაბჭოს გენერალური მდივანი. იგი ასევე ასრულებდა სახელმწიფო მდივნის მოვალეობას შვედეთის პრემიერ მინისტრის ოფისში, როგორც შვედეთის პარლამენტის წევრი და სოციალურ და საგარეო საკითხებთან დაკავშირებული კომიტეტის თავმჯდომარე. 2000 წელს დოქტორი ტარშისი წარმოადგენდა შვედეთის მთავრობას ევროკავშირში ფუნდამენტურ უფლებათა შემუშავების პროცესში. იგი არის სამედიცინო ეთიკის ეროვნული საბჭოს თამჯდომარე და ასევე ხელმძღვანელობს ინსტიტუტების საბჭოებს, რომლებიც საგანმანათლებლო მობილობის, ზრდის პოლიტიკისა და სიბერის/ასაკის მატების საკითხებზე მუშაობენ.
 
დოქტორი ტარშისი ფლობს დოქტორის ხარისხს სტოკჰოლმის და პრინსტონის უნივერსიტეტებიდან და ასევე საპატიო დოქტორის წოდებას კლუჟიდან (რუმინეთი). მისი კვლევითი ინტერესები მოიცავს შედარებით პოლიტიკას, ადამიანის უფლებებს, საჯარო პოლიტიკას, მთავრობის განვითარებას, ანგარიშვალდებულებას და საბიუჯეტო პოლიტიკას. მისი ბოლო პუბლიკაცია არის „ერთობის ხელახალი გამოგონება: ევროკავშირის სტრუქტურული პოლიტიკის მომავალი“. 1983-85 წლებში იგი იყო საბჭოთა და აღმოსავლეთ ევროპის კვლევების ლექტორი უფსალას უნივერსიტეტში. ამჟამად, დოქტორი ტარშისი არის სტოკჰოლმის უნივერსიტეტის პოლიტიკური მეცნიერების დეპარტამენტის თავმჯდომარე.

მარგარეტ რიჩარდსონი

აშშ-ის შემოსავლების სამსახურის ყოფილი კომისარი, შ.პ.ს. ოკვუდის საწარმოები

როგორც გადასახადებსა და ფინანსურ მომსახურების სფეროში დიდი გამოცდილების მქონე იურისტი, ქალბატონი რიჩაარდსონი მსახურობდა აშშ-ს შემოსავლების სამსახურში 1993-97 წლებში. ქალბატონმა რიჩარდსონმა კარიერა დაიწყო როგორც მოხელემ აშშ-ს სასამართლოში, ხოლო შემდგომ შეუერთდა შემოსავლების სამსახურს. 1997 წელს მან მუშაობა დაიწყო იურიდიულ ფირმაში „Sutherland, Asbill and Brennan“ ვაშინგტონში. იგი დაინიშნა შემოსავების სამსახურის კომისართა მრჩეველთა ჯგუფის წევრად (1988-90), ხოლო შემდეგ თავმჯდომარედ (1990). ამჟამად, ქალბატონი რიჩარდსონი თანამშრომლობს შ.პ.ს. ოკვუდის საწარმოებთან.
 
ქალბატონი რიჩარდსონი მოღვაწეობს ჰოლოკოსტის აქტივების საპრეზიდენტო მრჩეველთა კომისიაში აშშ-ში და DC Bar Committee on Multidisciplinary Practice-ში. იგი ასევე არის ქალთა ფინანსური ასოციაციის, ვაშნგტონის ქალთა ფორუმის და ვუდრო ვილსონის საერთაშორისო მეცნიერთა ცენტრის საბჭოს წევრი. იგი მუშაობს ჯორჯ ვაშინგტონის სამართლის სკოლის მრჩეველთა საბჭოში და აშშ-რუსეთის ბიზნეს საბჭოს და ევრაზიის ფონდის საბჭოებში. იგი ასევე იყო ეროვნული საკათედორო სკოლის საბჭოს, ავადმყოფ ბავშვთა საავადმყოფოს და ქალთა კამპანიის ფონდის განვითარების საბჭოს წევრი. მის შესახებ სტატიები გამოქვეყნდა ისეთ გაზეთებში, როგორიცაა The New York Times, The Washington Post დაUSA Today. ქალბატონი რიჩარდსონი დასახელდა წლის ქალად 1993 წელს ქალთა ფინანსური ასოციაციის მიერ და მას ასევე მიღებული აქვს რამდენიმე მნიშვნელოვანი ჯილდო სამსახურებრივი მიღწევებისთვის. იგი ფლობს ბაკალავრის დიპლომს პოლიტიკურ მეცნიერებაში ვასარის კოლეჯიდან და იურისპრუდენციის დოქტორის ხარისხს ჯორჯ ვაშინგტონის სამართლის სკოლიდან, სადაც იგი იყო Law Review-ს რედაქტორი.

მარი შიჰანი

მიგრაციის საერთაშორისო ორგანიზაციის საქართველოს მისიის ყოფილი ხელმძღვანელი

ქალბატონი შიჰანს მიგრაციის საკითხებზე მუშაობის 30 წლიანი გამოცდილება აქვს. იგი 8 წლის განმავლობაში მუშაობდა მიგრაციის საერთაშორისო ორგანიზაციაში (IOM) კავკასიაში. 1998-2002 წლებში იგი იყო მისიის ხელმძღვანელი ერევანში, ხოლო 1998-2002 წლებში კავკასიის რეგიონალური კოორდიანტორის ფუნქციებს ასრულებდა თბილისიდან. ამის შემდეგ იგი სამი წლის განმავლობაში იყო შრილანკაში, სადაც გახსნა მიგრაციის საერთაშორისო ორგანიზაციის ოფისი რათა დახმარებოდა ცუნამის შედეგად დაზარალებულ პირებს.
 
თბილისში დაბრუნების შემდეგ ქალბატონი შიჰანი განაგებს მიგრაციის საერთაშორისო ორგანიზაციის ოფისს თბილისში. მას ასევე უმუშავია სამხრეთ-აღმოვასლეთიდან აზიელების ნაკადის მიგრაციის საკითხებზე ვიეტნამის ომის შემდეგ. იგი იყო მიგრაციის საერთაშორისო კათოლიკური კომისიის ტრენინგ პროგრამის დირექტორი. ეს პროგრამა განკუთვნილი იყო აშშ-ს გადასახლების პროგრამაში ჩართული ეთიოპიელი და ერიტრიელი დევნილებისთვის. მარი შიჰანსმა კარიერა კალიფორნიასა და არიზონაში გაერთიანებულ ფერმის მუშათა კავშირთან მუშაობით დაიწყო, სადაც იცავდა ამ კავშირში შემავალი ადამიანების უფლებებს.